Âsitâne-i saʻâdet'de vukūʻ bulan tevcîhâtın haberi Ordu-yi hümâyân'a vârid oldukda, Ordu-yi hümâyûn'da dahi tevcîhât vukūʻ bulup, Bâb-ı ʻâlî'de olan hıdemâtın cümlesi mutasarrıf-ı sâbıklarına [26a] ibkā ve Nişâncılık ile sâbıkā Anadolu Muhâsebecisi Doğramacı-zâde ʻAbdullah Efendi nâyil-i aksa'l-gāye-i münâ olup, Baş-muhâsebe sâbıkā süvârî olan Feyzî Bey-zâde Mehmed Beyefendi'ye ve Anadolu [Muhâsebeciliği], Küçük ʻAli Efendi'ye ve Süvârî [Muhâsebeciliği], Beylikçi es- Seyyid ʻAbdullah Efendi'ye ber-vech-i ilhâk tevcîh ü ihsân vesâyir menâsıb dahi erbâbına tevfîz ü erzân ve baʻzılarının dahi kîse-i emelleri hayta-i istiʻdâdlarına kıyâsen nukūd-ı meserret-endûd ile mel’ân kılındı.