İklîletü'l-muhsanât, Seyyidetü'l-muhadderât, sadef-i dürr-i şeh-vâr-ı Devlet, evc-i âfitâb-ı Şehriyârî vü Saltanat hazretlerinin Serây-ı ʻatîk'den Serây-ı cedîd'e nakl ü hareketleri kānûn-ı kadîm ve de’b-i müstedîm olduğuna binâ’en, huzûrları muʻtâd olan erkân-ı Devlet dâhil ü hâric-i Serây-ı ʻatîk'de hâzır oldukları hâlde müşârun ileyha hazretleri gerdûne-i ʻismet-nümûnelerine süvâr ve tertîb-i dil-firîb, vâlâ-yı hûş-i resm ü ʻacîb ile Serây-ı cedîd'e bahşende-i şeref ü iʻtibâr olup, Şehriyâr-ı sütûde-etvâr, dâme mâ-dâme'l-felekü'd-devvâr "el-Cennetü tahte akdâmi'l-ümmehât" mefhûmu üzere dâʻiye-i tahsîl-i merzât ü mesûbât ile resm-i istikbâli kemâ-hüve hakkuhû icrâ ve müşârun ileyhâ hazretlerini Harem-serây-ı ʻismetlerine iskân ü îvâ buyurdular.