Havvâ-menzilet, Belkīs-rifʻat, ʻAzrâ-tahâret, Zehrâ-ʻibâdet, Sâre-sîret, Kübrâ kerâmet ya‘nî Mehd-i ʻulyâ ve Vâlide-i müşfika-i Hudâvend-i sütûde-ârâ hazretlerine kānûn-ı kadîm-i Saltanat ve ʻâdet-i pîşîn-i Devlet üzere dâ’ire-i fâhire-i Mülûkâne mensûbâtından bir zât-ı sadâkat-simâtın Kethudâ nasb olunması umûr-ı lâzımeden olduğuna binâ’en, sebkat-ı hıdmet ile manzûr-ı Şehriyâr-ı vâlâ-menkıbet olan Mahmûd Beyefendi ihzâr olunup, müşârun ileyhâ hazretlerine Kethudâ nasb u taʻyîn ve müteferriʻ-i umûru olan vesâyâ vü tenbîhât gûş-i hûşuna telkīn olundu.