Çünki Moskov askeri hudûda karîb mahallere vaz'-ı akdâm-ı nuhûset-encâm edüp imparatoriçelerine dahi Kırım cânibine geleceği tahakkuk ve Âsitâne'de mukīm elçileri hilâf-ı şurût zu'miyle ba'zı mevâd îrâd eyledi. Mesfûrların bu hareket ve mukaddemâtdan bir garazları olduğu zâhir ve mukābele bi'l-misl sûretinden i'râz ve gafletde ezhâne envâ'-i hatar mütebâdir olup binâberîn Devlet-i aliyye fî-ma-ba'd bir tarafdan şurût-ı ahidnâmeye temessük ile izhâr-ı sebât ve temkîn ve bir tarafdan serhadlerini asâkir ve mühimmât ile imlâ ve teşhîn etmek lüzûmunda bilcümle ulemâ ve ricâl yeksâk-ı ittifâk ve sadr-ı esbak Ali Paşa hazretlerinin seraskerliğinde fikr-i liyâkāt ve istihkāk eyledikleri hasebiyle derhâl vezîr-i müşârün-ileyhe İsmail seraskerliği ünvâniyle ibcâl olunup ol havâlinin ezimme-i umûru yed-i kifâyetine tefvîz olunduğundan gayri esmâ ve kemiyyetler dîvân kalemi cerîdesinde mukayyed ve musarrah olan rü'esâ ve asâkir ma'iyyetine ta'yîn olunup Karadeniz'e dahi mükemmel donanma ihrâc ve serhadlere Rumeli ve Anadolu'dan mikdâr-ı vâfî neferât tertîb ve idrâc olundu.