Reisülküttâb olan Bekir Paşa-zâde Atâullah Bey-efendi muktezâ-yı cereyân-ı hükm-i kazâ vü kader ile işbu şehr-i Rebîülâhirin onikinci hamîs günü mesned-i riyâsetden dûr ve ibtidâ-yı emirde Mısır'a ve baʿdehû Edirne sarâyını taʿmîre me'mûr olup eşref-i hidemât-ı devlet ve gencîne-i esrâr-ı saltanat olan umûr-ı riyâset ki hasretü'l-küttâb ve matmahü'l-enzâr erbâb-ı maʿârif ve elbâbdır. Bu hılâlde meşkûrü'l-âsâr ve mücerrebü'l-etvâr bir sâhib-i vakʿ u iʿtibâra ihâle olunmak hasr-ı küllî ve lüzûm-ı tabiʿî ile lâzım gelüp binâberîn Devlet-i aliyye-i ebediyyü'l-istimrârda iki defʿa sadrıazam kethüdâsı ve bir defʿa defterdâr-ı şıkk-ı evvel ve reisülküttâb ve el-hâletü-hâzihi tevkīʿî olan Süleyman Feyzi Efendi sinîn-i mütetâvileden berü me'mûr olduğu hidemât-ı cesîmede izhâr-ı lâzıme-i istikāmet ve vukūʿ bulan meşve- retlerde ba'zen re'yi isâbet eylediğine binâen mahzâ sevk ü tergîb-i âsaf-ı kadr-şinâs ile yevm-i mezkûrda (296-b) câh-ı riyâset ile tefrîh ve tatrîb ve münhal olan mansıb-ı tevkî'î ile defterdâr-ı sâbık Hasan Efendi taltîf ve tatyîb olundu.