Sâbıkā mîr-hacc ve vâlî-i Şâm olan Vezîr Cezzâr Ahmed Paşa'nın der-i devlet-medâra tahrîrâtı gelüp hüccâc-ı Şam bi-fazli'l-lâhi'l-meliki'l-allâm bu sâl-i meyâmîn-iştimâlde mashûben bi's-selâma hacc-ı Beytullahü'l-harâm ve ziyâret-i Ravza-i seyyidü'l-enâm edüp cânib-i Şam'a atf-ı zimâm ve katʿ-ı menâzil ve merâhil ile Maʿân nâm makāmda darb-ı hiyâm (293-a) eylediklerini işʿâr ve ifhâm edüp hâs u amm bu peyâm-ı meserret-encâmdan nâ'il-i sürûr-ı tâm oldular.