Mısr-ı mahrûsenin henüz nizâmı ber-vech-i matlûb müyesser olmayup kapudan paşa hazretlerinin dahi şâyed avdetleri muktazî olup mülâhazalarıyla o havâlide keyfiyyât-ı Mısır'a vâkıf ve bir vezîr-i kaviü'ş-şekîmenin tehyi'esi vâcibât-ı umûrdan olduğuna binâen Mısır'a semt olan eyâlet-i Sayda işbu Muharremü'l-harâmın evâsıtında Şâm vâlisi Vezîr Cezzâr Ahmed Paşa'ya tevcîh olunup eyâlet-i Şâm ve emâret-i hac dahi birkaç gün mukaddem Haleb (290-b) ü'ş-şehbâ tevcîh olunup Vezîr Battal Hüseyin Paşa'ya ve Haleb Eyâleti İbrâil muhâfızı olup mîrimîrân-ı kirâmın şücʿânından Osman Paşa'ya ve Maraş eyâleti Adana nizâmına me'mûr olan Dulkadır-zâde Ömer Paşa'ya ber-vech-i ilhak tevcîh olunup Azm-zâde Vezîr Yusuf Paşa'ya dahi Karahisâr-ı sâhib Sancağı ber-vech-i arpalık ihsân olundu.