Sâhilsaray-ı Beşiktaş'ın baʿzı mahalleri taʿmîre muhtâc olduğuna binâen Topkapu'da müceddeden inşâ olunan kusûr-ı bî-kusûr bir müddet vücûd-ı âlem-sümûd-ı mülûkâne ile kesb-i şeref-i nâ-mahsûr etmişidi. Zikr olunan taʿmîr bu esnâda hayyiz-resân-ı hitâm ve dâʿiye-i nakl ü iʿtizâm cilve-ger-i zamîr-i pâdişâh-ı dârâ-gulâm olmağla binâberîn işbu şehr-i Recebül-müreccebin üçüncü isneyn günü sâhilsarây-ı Beşiktaş kudûm-ı meyâmin-lüzûm-ı pâdişâhî ile mahsâd-ı cenân oldu.