Hâlâ Yenişehr-i Fener kādısı olup semâhatlû şeyhülislâm efendi hazretlerinin necl-i necîbleri Mehmed Arif Efendi'nin beyne'l-mehâdîm haysiyyet ve fazîleti nümâyân ve ilm ü hünerde akrânına tefevvuku müstağnin ani'l-beyân olduğundan gayri fenn-i hey'etde re'îs ve ilm-i hendese ve Mecestî'de sânî-i Öklidis olup meziyyet-i izâmiyye ve isâmiyyeyi câmiʿ ve iştigāl-i ilm ile rûz u şeb maʿarret-i cehli kāmiʿ olarak rüşd ü reviyyetde teveccüd ve her vâdide teferrüd eylediğine binâen hakkında kulzûm-i ârîfe-i şehriyârî mevc-hîz ve âfitâb-ı âlem-tâb-ı minhat-ı tâcdârî eşiʿa-rîz olup işbu Şaʿbânü'l-muʿazzamın yirminci isneyn günü efendi-i mûmâ-ileyhe Mekke-i mükerreme pâyesi ihsân olundu.