Bundan akdem Trablus-Şam tevcîh olunup baʿzı mülâhazaya mebnî azli savâb-dîd-i evliyâ-yı devlet olan Vezîr Mikdâd Ahmed Paşa'nın bu defʿa der-bâr-ı devlet-medâra tahrîrâtı gelüp mefhûmunda mukaddemâ tarafına Trablus tevcîh buyurulduğu hasebiyle masârif-i külliyyeye dûçâr ve bu defʿa me'mûr olduğu vech üzere mâlikânesi olan Amasya'da hall-i ilâhî zuhûruna intizâren ârâm u karâr vukūʿ bulur ise pâ-beste-i kayd-ı usret ve ıztırâr olacağını işʿâr ve hâline çespân bir mansıb ihsân olunması bâbında nakdîne-i niyâz ve recâyı nesâr eylediğine binâen hakkında şefekat-i mülûkâne levha-tırâz-ı zuhûr ve işbu Şaʿbân-ı şerîfin altıncı isneyn günü eyâlet-i Sivas ile mesrûr ve selefi Abdülcelîl-zâde Vezîr Süleyman Paşa'nın (202-a) dahi şimdilik Kayseriye sancağıyle hâtırı mecbûr kılındı.