Sâbıkā Cidde vâlisi Vezîr Yeğen Ali Paşa doksansekiz senesi Recebi evâilinde vefât eylediği Şam vâlisi tarafından birkaç gün mukaddem tahrîr olunmuş olmağla münhal olan Cidde mansıbı sâbıkā sadrıazam kethüdâsı olup baʿzı umûr-ı mühimme rü'yeti ünvânıyla Erzurum'da mukîm olan Elhac Mustafa Efendi'ye işbu şehr-i Rebîʿül-evvelin ikinci günü bâ-rütbe-i vâlâ-yı vezâret tevcîh ve inâyet buyurulup eyâlet-i Haleb dahi Aydın muhas- sılı ve Özi muhâfızı olan Vezîr Hazînedâr Ali Paşa'ya ve Trabzon eyâleti Rakka vâlisi olan Azm-zâde Vezîr Nasuh Paşa'ya ve Rakka eyâleti Vezîr Güğeyi Abdi Paşa'ya yevm-i mezkûrda tevcîh ve ihsân olunup Aydın muhassıllığı mîrîlü mansıb olduğundan Marta dek müşârün-ileyh Ali Paşa'nın üzerinde kalup sâbıkā Trabzon vâlisi Vezîr Mikdâd Ahmed Paşa (155-a) dahi mâlikânesi olan Amasya'da ikâmet etmek üzere ısdâr-ı emr-i celîlü'ş-şân olundu.