Âsitâne-i saʿâdet'de mukîm olan düvel elçilerinin müddet-i ikāmetleri muʿayyen ve mazbût ve birinin müddeti hitâmında diğerinin vürûdu meşrût olduğuna binâen bir müddetden berü Âsitâne-i saʿâdet'de ikāmet eden França elçisinin minvâl-i meşrûh üzere müddeti tamâm ve yerine âharı gelüp hâmil olduğu nâmesini Dîvân-ı hümâyûn'da arz u takdîm etmek kānûn-ı kadîm-i devlet-i ebed-kiyâm olduğu rikâb-ı hüsrevâneye telhîs ve ifhâm olundukda sudûr-ı izn-i hümâyûn ve mâh-ı merkūmun onsekizinci salı günü tertîb-i dîvân-ı mehâbet-makrûn kılınup elçi-i mesfûr ihzâr ve nâmesini arz-ı ʿatebe-i felek-medâr eyledikden sonra şîme-i devlet-i ebed-müddet üzere mesfûra bir sevb semmûr ve maʿiyyetinde olan beyzâdegâna hilʿa-ı müstevcibü's-sürûr iksâ olunup selefinin avdetine dahi tahrîk-i ebrû-yı ruhsat kılındı.