Defterdar mektûbcusu Küçük Ali Efendi erbâb-ı masâlihin telhîslerini lâ-mermâ taʿvîk ve te'hîr ve hîn-i talebde ashâbını bed-muʿâmele ile rencîde ve tekdîr ve hizmet-i lâzimesinde küllî ihmâl ve taksîr eylediğini defterdâr efendi sadr-ı âlîye şifâhen inhâ ve azlini istidʿâ etmekle umûr-ı mâliye defterdarların gerden-ihtimâmlarını mahmûl ve maʿiyyetlerinde bulunanların haklarında şükür ve şikâyetleri muʿteber ve makbûl ola-geldiğinden müşârün-ileyhin dahi recâsı hayyiz-i müsâʿadeye mevsûl (V129-a) ve işbu şehr-i Zilkaʿdenin onsekizinci pazar günü mûmâ-ileyh maʿzûl ve bir müddetden berû defterdâr mektûbcusu kaleminde halîfe olup erbâb-ı istiʿdâddan Penâh Süleyman Efendi-zâde Osman Efendi mektûbculuk hizmetiyle nâil-i eʿazz-ı me'mûl oldu.