Hâcegân-ı Dîvân-ı hümâyûn'dan olup bu defʿa dahi kâtib-i ağa-yı Dârüssaʿâde olan Gürcü Mehmed Efendi bir merd-i sâfdil ve ihâta-i aklı kadar her çend semt-i istikāmete mâil ise dahi umûr-ı hâriciyyeden bî-behre ve nasîb ve tasarrufât-ı akliyyede "kemen dehale fi'd-dâri ve hüve garîb" olmakdan nâşî azli lâzım gelüp binâen-aleyh işbu şehr-i Cumâdelulânın beşinci cumʿa günü efendi-i mûmâ-ileyh maʿzûl ve bir zamandan berü Ağa dâiresinde müstahdem ve akl ü rüşdü müsellem olan baş-halîfe Mehmed Ârif Efendi tarîki üzere Dârüssaʿâde ağası yazıcılığı ile nâil-i eazz-ı me'mûl oldu.