Asâkir-i Devlet-i aliyye'nin mutasarrıf oldukları dirlikleri beyne'n-nâs emtiʿa misillû beyʿ ü şirâ olunmak hürmet-i askerîyi imhâ ve izâle ve adem-i ehliyyeti olan eşhâsı guzâta muhtass olan dirliklere bilâ-meşakkatın inâle eyleyeceğinden başka mürûr-ı ezmân ile ekserîsi harb ü darbe gayr-i muktedir ehl-i hırfete mevcûd ve erbâbından pâdişâh dirliği maʿdûm ve mefkûd ve bu hâlât serhadlere dahi sirâyet ve refte refte nizâm-ı hâl-i askerînin muhtel olmasına illet olacağı müteʿayyin olmağla fî-mâ-baʿd esâmelerin beyʿ ü şirâsı memnûʿ ve bir mahalden bir mahalle nakli medfûʿ ve bu kâr-ı nâhincâre fî-mâ-baʿd şurûʿ eder olur ise kâinen-men-kân hakkında şefâʿat ve recâ gayr-i mesmûʿ olup mahsûl-i ömrü dürîde-i dâs-ı kahr-ı sultânî ve hırmen-i hayâtı sûziş-pezîr-i gazab-ı cihân-bânî olacağı tenbîhini hâvî bu defʿa ısdâr-ı evâmir-i ekîde kılınup ocakların müteʿallik oldukları aklâma kayd u sebt olundu.