Dîdende-i kadîme-i Devlet-i aliyye ve şenşene-i müstedîme-i saltanat-ı seniyye üzere işbu Rebîʿülevvelin onikinci günü Sultân Ahmed Hân eskenühullāhü fî-bahbûhati'l-cinân Câmiʿ-i şerîfinde bezm-i ünsâ-üns mevlûd-i şerîf münʿakid olup edʿiyye-i ismâʿ-ı müslimîn sürûr-ı nevîd-i velâdet-i hazret-i seyyidü'l-mürselîn ile mele'ân ve kulûb-ı mü'minîn beşâret-i tebâşîr-i zuhûr-ı rahmetenli'l-ʿâlemîn ile mâlâ-mâl-i envâr-ı îmân olup pâdişâh-ı Cemşîd Gulâm meddahullāhü zılle ʿâtıfetihi ʿalâ mefârıki'l-enâm hazretleri mevlûd-ı şerîf âlâyına muhtass olan dârât-ı tamm ve şevket-i mâlâ-kelâm ile iyâb ü zihâbda sâye-i hümâyûnunda mazalle-nişîn-i âsâyiş ü ârâmiş olan nâsı ʿaleyke ʿavnullāhi ezkarına müdavim ve aʿdâ-yı bedhâhı heybet-i mülûkâne ve satvet-i nerîmâneleriyle kemâl-i kalak-ı ıztırâba mülâzim eylediler.