Bilfiʿîl tevkīʿî olan Rakka Vâlîsi Vezîr Esseyyid Mustafa Paşa'nın Aydın Sancağı'yla ayn-i ibtihâcı tenvîr ve Rakka Eyâleti ile Bender başbuğu olan Seyyid Hasan Paşa'nın diraht-ı ikbâli bâr-âver ü tesmîr kılınup, İç-il Hükûmeti sâbıka Mısır Vâlîsi İzzet Mehmed Paşa'ya taklîd ve İnebahtı muhâfazasiyle sadr-ı sâbık Dârendeli Mehmed Paşa'nın câme-i vezâreti tecdîd olundu. Anadolu kazaskeri olan imâm-ı evvel-i sultânî Mehmed Efendi itmâm-ı müddet ve gurre-i Zilhicce'de Hekimbâşı Ârif Mehmed Efendi sadâret-i Anadolu'yla ihrâz-ı dest-mâye-i rifʿat eyledi.
Tevcîhât-ı Vüzerâ ve Sadr-ı Anadolu Şüden-i Mehmed Ârif Efendi
Attribution
- Citation:
- "Tevcîhât-ı Vüzerâ ve Sadr-ı Anadolu Şüden-i Mehmed Ârif Efendi", Ottoman Text Corpus, Merve Tekgürler, https://mervetekgurler.github.io/ottoman_text_corpus_website/items/ave1774_159.html
Item Details
- Title:
- Tevcîhât-ı Vüzerâ ve Sadr-ı Anadolu Şüden-i Mehmed Ârif Efendi
- Creator:
- Ahmed Vâsıf Efendi
- Date Created:
- 1192
- Source:
- Mücteba İlgürel
- Format:
- text/plain
- Language:
- ota