İş bu Recebülferd'in yedinci günü sulb-i pâk-i hazret-i tâcdârîden bir şehzâde-i pâkîze-güher-i pertev-pâş basar-ı kâffe-i beşer olup Mehmed ismiyle mevsûm ve filhâl bu nüvîd-i beşâret-lüzûm, sadrıazama maʿlûm olup şeyhülislâm efendi ile hem-inân olarak Saray-ı Hümâyûn'a azîmet ve tebrîk-i vilâdet ile icrâ-yı rüsûm-ı âmmeye mübâderet ve birer sevb-i semmûr ile iktisâb-ı dest-mâye-i mefharet eylediler. Akīb-i vilâdette şehr-âyîn-i resm-ı dîrîn olduğuna binâen esvâk ve büyût, suver ü nukūş-ı gûnâ-gûn ile zînet-yâb ve çeng ü cigâne sadâları resîde-i çarhma kıbâb olup bu eyyâm-ı zevd-güzâr resîde-i hayyiz-i encâm oldukta deryâ (45a) donanmasına nizâm verilüp her sınıf sanʿat-ı âteş-bâzîde icrâ-yı mahâret ve bu mukābelede celb-ı fâide ve menfaʿat eylediler.