Bâlâda ifâde olunduğu vech üzere Moskov elçisi Âsitâne-i saʿâdet'e gelüp birkaç gün (41a) istirâhatten sonra Bâbıâlî'ye gelmesi irâde ve teşrîfât-ı hümâyûnda musarrah rüsûm üzere Sarây-ı Âsafî'ye vürûd ile tahrîrâtını huzûr-ı sadrü's-sudûra nihâde edüp hakkında resm-i mihmân-nüvâzı icrâ ve me'mûlü derecesinde nevâziş ve iltifât îfâ olunup kendisiyle üç nefer-i muʿteber rüfekāsına semmûr kürkler ve on neferine kakum kürkler ve yüz kadar etbâʿ-ı mahsûsasına hilʿatler iksâ ve mutayyeben iʿâdesine iʿtinâ olundu.