Hemşîre-i muhtereme-i hazret-i cihân-dârî Ayşe Sultan Hazretleri'nin tabiʿat-ı şerîfelerinde şiken-i maraz nümâyân olduğuna binâen tebdîl-i hevâ ve derdine devâ kasdıyla Bahâriye'de olan sâhil-sarayına azîmet ve bir müddet ârâm u ikāmet etmiş idi. Mübtelâ olduğu illet munkalib-i sıhhat olmayup bu evânda kafes-i tende âşiyân-sâz olan tâir-i rûhu sû-yı illiyyîne pervâz eyledi. Na'ş-ı mağfiret-nakşı Âsitâne'ye nakl olunup sadrıazam ve şeyhülislâm ve sâir erkân-ı devlet namâzını edâ ve zâtına mensûb olan câmiʿ-i şerîfde cedd-i eşrefi mütevârî-serâ kılındı.