Defterdâr-ı vakt olan Derviş Mehmed Efendi İspir Ağa vesâtatiyle o asrın sâhib-i nüfûzu olan ağa babası el-Hâc Mustafa Ağa ile imtizâc ve isâle- i cûybâr-ı denânîr ve tefârîk ile mûmâileyhi gâh ve bî-gâh tenşît ve ibhâc eyler idi. Bu esbâb-ı hafiyye ile medh ü sitâyişine mecbûr ve hidemât-ı aliyyeye takrîbini rûz u şeb semîr-i akl u şuʿûr edüp sadrıaʿzam kethüdâsı bulunan Recâî Mehmed Efendi'nin her maddede kemâl-i butu ve rehâveti sâmiʿa-i hümâyûna ilkā ve Derviş Mehmed Efendi hakkında tertîb ettiği şekl-i liyâkat ve istiʿdâd netîce-pezîr kabûl ve ısgā olup sadâret-i uzmâya temhîd-i mukaddeme kabîlinden olarak işbu Saferülhayrın üçüncü günü kethüdâlık mesnedine isʿâd ve selefi Recâî Efendi defterdarlık ile vâreste-i ihtilâc-ı fuâd kılındı.