Sadr-ı esbak Moldovancı ʿAlî Paşa Serʿaskerlik ʿunvânıyla Boğaz'da mukīm iken, mübtelây-ı ʿillet-i felc ve kuvâ ve cevârihi âzâde-i dahl ü harc olduğu, sâmiʿa-i erkân-ı saltanata derc olunup, tahsîl-i kuvvet ü şuʿûr etmek zimnında, Tekfurdağı'nda ikāmete me'mûr ve Boğaz Serʿaskerliği ile Kapudân-ı deryâ Vezîr Hasan Paşa nâyil-i etemm-i hubûr oldu. Cin ʿAlî Paşa oğlu İbrâhîm Bey vaʿd ü ʿahdini îfâ ve üç yüz piyâde ve süvâriyle vâsıl-ı meştâ olduğu hakkında istilzâm-ı teveccüh-i Sadr-ı meʿâlî-pîrâ etmekle, meʾmûr olduğu mahalde kıyâm etmek şartıyla, dâhil-i katâr-ı mîr-i mîrân-ı kirâm oldu. Şehr-i rebîʿulâhır gurresinden zabt etmek üzere Havâss-ı refîʿa Kazâsı'yla, Hâşim-zâde es-Seyyid Abdullah Efendi hâyiz-i rehîne-yi mesâr ve gurre-i cumâdelûlâdan Üsküdar Kazâsı ile Yaycı-başı-zâde Hâfız İsmâʿîl Efendi'nin nâvek-i râster ve merâmı, resîde-i hedef-i iʿtibâr oldu.