Bosna Eyâleti mesârif-ı zarûriyye-i seferiyyelerine medâr olmak zımnında bu âna dek Serdâr-ı ekrem hazretlerinin ʿuhdelerinde olup, Kāyim-makām ile esbâb-ı nizâmı istihsâl ve cizyesi cibâyet olunarak, hâsıl olan nemâsı hazîne-i hümâyûna idhâl olunur idi. Tırhala Mutasarrıfı Vezîr ʿOsmân Paşa bu esnâda Balya Boğazı'nı muhâfazaya me'mûr ve mümkin olduğu hâlde, karşuya ʿubûr etmek sûreti karâr-gîr-i erbâb-ı şuʿûr olup, ancak ʿuhdesinde olan mansıb bî-nemâ ve umûrunu idâre edemeyeceği hüveydâ olmağla, Bosna Eyâleti tarafına tevcîh ü ihsân ve münhal olan Tırhala Sancağı ile müceddeden Vezâret verilen İsmâʿîl Paşa'nın necm-i ikbâli fîrûzân kılındı.