Ordu-yi hümâyûn'da bi'l-fi'l Re'îsülküttâb olan Mehmed Recâyî Efendi bir zemândan berü infiʿâlât-ı nefsâniyye ve inkılâbât-ı seferiyye ile hilye-i sıhhatden dûr ve üç mâhdan berü mülâzemet-i Bâb-ı ʿâlî'den mehcûr olup, nâ-çâr Âsitâne-i saʿâdet'e âzîmet içün istidʿây-ı ruhsat etmişidi. Fi'l-asl Mektûbî ʿAbdurrezzâk Efendi'nin mesned-i riyâsete iʿtilâsı, taraf-ı hümâyûndan Sadrıaʿzam tarafına hufyeten fermân ve mûmâ ileyhin menzile-i ʿilm ü ʿirfân ve derece-i ʿakl ü izʿânı maʿlûm-i kāsî vü dânî olduğundan, o rütbe-i menîʿaya istihkākı nezd-i Sadâret-penâhî'de dahi bi't-tecribeti ve'l-imtihân nümâyân olup, şevvâlin on beşinci günü [2] fülk-i küttâba re'îs ve felek-i devlete Bercîs oldu.