Müşârun ileyh bundan akdem Bahr-i siyâh'a me'mûr ve ʿavdetinde baʿzı taksîr isnâdıyla nazar-ı ʿâtıfetden mehcûr olup, evâhir-i zilhiccede maʿzûl ve ümerâ'-i deryâdan Cânım Hâce nebîresi Hüsâmeddin Paşa rütbe-i vâlâ-yı Vezâret'le yerine mevsûl ve Mora Cezîresi etrâfında Moskovlu'nun ceng gemileri geşt ü güzâr üzere oldukları menkūl olduğundan, Donanma-yı hümâyûn ile bir ân akdem havâlî-yi mezkûreye varup, defʿ-i keyd-i aʿdây-ı şûm ve muhâfaza-i etrâf ü tuhum eylemesi tarafına tenbîh ü îsâ ve selefi dahi maskat-ı re'si olan Eğriboz Sancağı'yla mahfûf-i ʿavârif-i bî-intihâ kılındı.