Müjde-i Sadâret-i ʿuzmâ, Anadolu Vâlîsi Vezîr Silâhdâr Hamza Paşa'ya resâ oldukda, yerinden hareket ve katʿ-ı menâzil ile mâh-ı cumâde'ûlânın onuncu hamîs günü Üsküdar'da vâkiʿ Mehmed Paşa Kasrı'na vürûd eyleyeceği maʿlûm-i erkân-ı devlet olup, huzûrları muʿtâd olan zevât vâhiden baʿde vâhidin mülâkāt ve taʿâm ʿakabinde taraf-ı hümâyûndan keşîde kılınân esb-i dilkeş hirâma-pây-endâz-ı tevkīr u ihtirâm olup, Şeyhulislâm Efendi ile bi'l-murâfaka Huzûr-i hümâyûn'a duhûl ve ruhsat-yâb-ı kıyâm u müsûl olup, hilʿat-i hâssu'l-hâss-ı Sadâretle menkib-i istîhâli müzeyyen ve Vekâlet-i kübrâ şerefi ile muʿanven olup, Bâb-ı ʿâlî'ye vârid ve ʿArz odası'nda Sadr-ı devlet'e sâʿid oldukda Sâyib'in: Hifz-i devlet der-perîşân kerden sîm ü zer-est Medd-i ihsân rişte-i şîrâze-i în defter-est beytini âverde-i zebân ve neşr-i zer ile maʿnâsını ifâde vü beyân eyledi.