Muharremü'l-harâmın yedinci mübârek isneyn günü sulb-i pâkîze-i hazret-i Şehriyârî'den bir duhter-i ferhunde ahter-i zîver âgûş-i şuhûd ve ârâyiş-i bahş-ı gehvâre-i vücûd olup, Hadîce Sultân ismiyle be-nâm ve mukaddem feyz-i tev’emi bâʿis-i sürûr-ı enâm oldu. Üç gün top şenlikleriyle iʿlân-ı sürûr gûnâ gûn ve giceler ocağların âmâde eyledikleri eczâ-yı nâriyeden masnuʿ heyâkil-i garîbe temâşâsından hâsıl olan inşirâh-ı derûn havsala-i taʿbîrden bîrûn oldu.