Fermân fermâ-yı hıtta-i Fâs olan ʿAbdullah bin İsmaʿîl cenâbları tarafından Devlet-i ʿaliyye'nin reʿâyâsı mesâbesinde olan Dubrovniklü'nün iki defʿada vâfir âdemleri ahz ü esîr kılındığı Âsitâne'de olan maslahat-güzârları tarafından takrîr olunduğuna binâ'en, Râgıb Paşa zemânında ve dahi sonra ıtlakları içün makām-ı Sadâret'den müşârun-ileyhe mektûblar tahrîr olunmuşidi. Mesfûrlardan zuhûr eden teʿaddî ve kabâhat her ne kadar bâ-beste-i hizy [M1 295] ü mezellet olmalarını îcab etmiş ise dahi, tıpk-ı irâde-i Devlet-i ebed müddet üzere sebîlleri tahliye olunduğunu şâmil bu defʿa der-bâr-ı ʿatûfet-karara bir kıtʿa nâmesi ve dört re's maʿlûmu'l-asl ve meşhûru'n-nesl esb hediyyesi ki birinin serci zehebden masnûʿ ve yâkūt ile murassaʿ idi. Tefârîk-ı sâyiresine mashûben ʿAbdulkerîm nâm âdemiyle vârid-i Dergâh-ı Hilâfet-penâhî olup, bu tarafdan dahi mukābele bi'l-misl kāʿidesine riʿâyet ve matlûbu olan husûslar me'mûlü üzere pezîrefte-i hüsn-i temşiyet kılınup, âdemîsi merkūm iktizâ eden cevâb-nâme ile mükerremen tarafına ʿavdet eyledi.