Mâh-ı serîʿu's-seyr gibi menâsıb-ı devletin ekserîsini devr eden Râkım Mehmed Efendi, ehl-i ʿakl ü kiyâset ve lâyık-ı câh-ı Vezâret olduğu hasebiyle manzûr-ı Şehriyâr- sâhib-i dîhîm ve işbu zilkaʿdetü'ş-şerîfenin yirmi sekizinci günü neyl-i Vezâret'le nâyil-i fahr-i ʿazîm olduğundan başka, menşûr-i Eyâlet-i Mısır ismine terkîm olundu. Selefi Vezîr Silahdâr Hamza Paşa, Eyâlet-i Haleb ile mutayyeb ve selefi Gü Ahmed Paşa-zâde Vezîr ʿAli Paşa, Kars Muhâfazası'yla muʿazzeb oldu.