Beher sâl ramazânında vazʿ-ı Şâhâne olan Tefsîr tedrîsine rağbet-i hümâyûn ber-kemâl olduğuna binâ'en, mevâlî ve müderrisînden yüz yirmi altı nefer kimse on dokuz meclise taksîm ve her biri bir gün içün tertîb ü tanzîm olunup, her meclis erbâbından zâten ve zemânen akdem ve ercah bulunan sâyirelere re'îs ve bâlâ-nişîn-i makām-ı taʿlîm ü tedrîs olup, evâyil-i Sûre-i Bakara'dan makāma münâsib niçe nükât ve mezâyâ takrîr ü beyân ve o meclis-i nefîs-i melâyik-celîs müşâbih-i ravza-i cinân kılınup, ders temâmında surre-i muʿayyene ile herkes bâliğ-i meblağ-ı refâh-ı hâl ve ramazâniyye ve 'îdiyye sıkletinden mutma’innü'l-bâl oldular.