Hamevî-zâde Devâtdârı olup, ʿakl ü rüşdü nümâyân ve merâtib-i devlete her vechile şâyân olan Ahmed Ağa'ya bundan akdem Mîr-i mîrânlık verilüp, tavr-ı pesendîdesiyle tasdîk-i iʿtikād-ı evliyây-ı umûr eylediğinden, Haleb Eyâleti ile mesrûr kılınmışidi. Mûmâ ileyhin cevher-i istiʿdâdı yevmen fe-yevmen kesb-i terakkī vü izdiyâd ve sît-i bülendi ihâta-i ekāsî-yi bilâd eyleyüp, Vezâret'e lâyık u sezâ ve nazar-ı iltifâta cedîr u ahrâ olmağla, Cumâdelâhıre'de silkü'l-leʾâl vüzerây-ı ʿizâma idhâl ve kemâ-kân Eyâlet-i Haleb ile makziyyu'l-âmâl kılındı. Nehb-i huccâc, zemân-ı emâretinde vâkiʿ olan Mekkî-zâde Vezîr Hüseyin Paşa'nın Vezâret'i refʿ u ilgā ve bir müddetden sonra Marʿaş Eyâleti câh-ı refîʿi ile Vezâret'i ibkā ve baʿdehû Gazze'de iskân ü îvâ kılınmışidi. Gazze taraflarına nüzûl eden Benî Sahr [M1 273] ve edüp, esnây-ı muhârebede zahmdâr ve teʾsîr-i zahm ile üftâde-i tîr-i dimâr oldu.