Müşârun ileyhin daʿvetini hâvî hatt-ı hümâyûn ile Silahdâr-ı hazret-i Şehriyârî Rumeli'ye tesyîr olunup, lede'l-mülâkāt teslîm-i emânet ve teblîğ-i hükm sürʿat-i icâbet ile bi'l-mürâfaka işbu zilkaʿdenin sekizinci günü Behâriyye'ye vusûlü maʿlûm-i erkân-ı devlet olup, fi'l-hâl istikbâl-i erbâbı yekdiğeri taʿkīb ve îfây-ı [M1 269] resm-i hoş-âmedî ve terhîb eyleyüp, yemeklik gā'ilesi bertaraf olduğundan, celse-i hafîfeden sonra Şeyhulislâm Dürrî-zâde Efendi ile sandala süvâr ve ʿatebe-i felek-mertebe-i Şâhâne'ye ruhsây-ı meskenet ü iftikār olup, zimâm-ı Vekâlet-i kübrâ yed-i emânetine teslîm ve serâsere dûhte-i semmûr ile kadr ü şânı tefhîm olunup, kemâl-i âdâb ile zemîn-bûs-i vedâ olarak Bâb-ı ʿâlî'yi teşrîf ve hilaʿ-ı ʿumûmiyye ile kulûb-i erbâb-ı menâsıbı te'lîf eyledi.