Birâder-i cân berâber-i dâver-i devrân Şehzâde Sultân Nuʿmân birkaç günden berü hummây-ı rediyye ile vücûd-i nâzenîni lerzân olup, mâh-ı recebü'l-ferdin beşinci günü kırk üç yaşında iken, [M1 266] ʿâzim-i serâbistân-ı cinân oldu. Kānûn üzere erkân-ı saltanat na'ş-ı mağfiret-nakşını menâkib-i taʿzîme tahmîl ve Yeni Câmiʿ hazîresinde defn ile hakkında tahrîk-i silsile-i rahmet-i Rabb-i Celîl kılındı.