Târîh-i mezkûrda Anadolu Muhâsebecisi Resmî Ahmed Efendi, Prusya tarafına me'mûr olup, levâzımâtı cânib-i mîrîden tesviye olunmuşiken, hareketi günü Şehriyâr-ı bende-nüvâz Dâvud-paşa Kasrı'na sâye-endâz olup, huzûruna ihzâr ve harc-ı râhını istiklâl ile mûmâ ileyhe ihsân-ı nakd-i pî-şümâr buyurduklarından gayri, zîb ü zîvere müteʿallik istiʿâre etdiği eşyâ ʿavdetden sonra yine hazîneye teslîm olunacağını ifâde ile ilâ mâ-şâ'allâh istiʿmâl içün yedi bin beş yüz guruş eder bir mücevher bıçak ile ser-i mübâhâtını resîde-i târem-i aʿlâ buyurdular.