Mesûbât-ı uhreviyye tahsîli zımnında bundan akdem Sadrıaʿzam ve bedr-i efham bir kitâbhâne ve bir mekteb-i şerîf bünyâdına şurûʿ edüp, bu sene-i mübâreke şaʿbânının on beşinci günü tekmîl ü ihzâr etdikleri kütüb, yevm-i mezkûrda Kitâb-hâneye tenkīl olunup, hâfız-ı kütübleri ve bevvâb ve sâyir hafazası tertîb ve vezâyif ü idrârâtları tetmîm ü teʼrîb ve mekteb-i şerîfin dahi levâzımına temşiyet verildiğinden başka hâce ve halîfe ve kırk kadar etfâle ʿulûfe taʿyîn ve Kitâb-hânenin tarafeyni birer sebîl ile tezyîn ve bâ-husûs Kitâb-hâne sâhasında bir çeşmsâr ihdâs olunup, icrây-ı mâʼ-i muʿayyen ve irvây-ı ʿitâş-ı tâlibân râh-ı yakın kılındı.