Şaʿbânu'l-muʿazzamın on beşinci günü tertîb olunan dîvân-ı şâmihu'l-erkânda ʿumûmen ocağların iki kıst mevâcibleri Kubbe-altı'nda kabzına meʾmûrlara edâ ve devr ʿakabinde Dülbend Ağası Reşîd İbrâhîm Ağa teşrîfât-ı seniyye getürüp, ʿâdet olan hıdmeti temâmen iʿtâ olundu. Mûmâ ileyhin rüşd ü reviyyeti hasebiyle taşra hidmetlerinde istihdâmı Şehriyâr-ı gerdûn-iktidârın merâmı olduğuna binâʾen, Büyük Mirâhûrluk ile fetîle-i iʿtibârı fürûzân ve selefi Seyyid Mehmed Ağa'nın hânesinde ikāmeti fermân olundu.