Müşârun ileyh Şeyhülislâm Ebu'l-hayr Ahmed Efendi'nin Burusa Kadılığı'nda sulb-i pâkinden zuhûr edüp, ʿunfuvân-ı şebâb esnâsında, ulâ'ike âbâ'î fe-ci'nî bi-mislihim makāliyle zemâneye hitâb eyleyüp, o hilâlde muntazam-ı silk-i müderrisîn-i kirâm ve devre-i maʿlûmeden sonra Galata Kazâsı'yla şâd-kâm olmuşidi. Yüz kırk üç târîhinde Burusa'ya hâkim ve İstanbul Pâyesi'yle rişte-i mansıbı munfasım olup, yüz elli ikide dokuz mâh Sadr-ı Anadolu ve altmış üçde Rumeli Sadâreti'yle kevkeb-i tâliʿi müstaʿlî olmuşidi. Altmış yedi şaʿbânında tekrâr Rumeli mesnedine pâ-nihâde-i ikbâl ve yüz altmış sekiz senesi şaʿbânında Meşîhat-i İslâmiyye ile menzil res-i nihâyet-i âmâl olup: