Bir müddetden berü zînetde mesned-i Meşîhat olan Veliyyüddîn Efendi'ye, hiddet-i meşreb isnâd ve işbu saferu'l-muzafferin beşinci yevm-i ahad mesnedinden tecnîb ü ibʿâd olunduğundan gayri hacca meʾzûn ve mevsimi gelinceye dek Burusa'da ikāmeti irâde-i hümâyûn oldu. Sâbıkā Sadr-ı Rûm olan Bekir Efendi-zâde Ahmed Efendi, o câh-ı muʿâllâ-câygâha müstehak görülüp, fi'l-hâl daʿvet ve bâre-i fâzılânesine ilbâs-ı hilʿat-i beyzâ-yı Meşîhat kılındı.