Kāʿide-yi dûdmân-ı Cengîziyân üzere hâlâ Kırım hânı Kırım Girây Hân'ın Kalgaylık hidmetinde olan Sultân sûy-i âhirete şitâbân olmağla, birâder-i kihterlerin Kuban Serʿaskerliği'ne tahsîs ve sinîn-i vâfireden berü Kuban Serʿaskeri olan karındaşı Baht Girây Sultân-zâde Saʿâdet Girday Sultân'ın binây-ı ikbâlini Kalgaylık ile tarsîs eyleyüp, keyfiyyeti derbâr-ı ʿatûfet-medâra inhâ ve ibkā ve takrîrini recâ etmişidi. Mes'ûlü müsâʿadeye makrûn ve bir sevb-i kontuş semmûr paçası kürk ve beş kîse akçe irsâliyle îfây-ı hakk-ı kānûn kılınup, mûmâ ileyh dahi vefât ve terk-i turktâz-ı deşt-i hayât edüp, yerine Maksûd Girây nasbı ile telâfî-yi mâ-fât olundu.