Rütbe-i vâlâ-yı Vezâret'le kâmrân [M1 161] olan Vezîr Silahdâr Hamza Paşa'ya kerîme-yi muhtereme-i hazret-i Cihanbânî ʿiffetlü Hibetullâh Sultân'ın nâmzed kılınması irâde olunup, iktizâ eden nişân takımının tedârüküne mübâşeret ve cümlesi hâzır u âmâde olduğu maʿrûz-i ʿatebe-i gerdûn-rifʿat olunmuşidi. Alay-ı dilârâ ile Serây-ı ʿâmire'ye nakli fermân ve evâsıt-ı şevvâlde zikr olunan nişân takımı defter-i teşrîfatda tasrîh u beyân olunduğu vech üzere müretteb alay ile dâhil-i Harem-serây-ı Pâdişâh-ı devrân oldu.