Muharremü'l-harâmda Sadrıaʿzam tarafından bir defʿa Üsküdar'da vâkiʿ Kasr-ı Mehmed Paşa'da ve bir defʿa Küçüksu'da levâzım-ı nüzül ve ziyafet âmâde kılınup, Âsitâne-i saʿâdet'de mevcûd vüzerây-ı ʿizâm daʿvet ve cümlesi pervâne-i şemʿ-i cemʿiyyet oldukları hâlde sâzendegân ve hânendegâna icâzet verilüp, her biri nevây-ı cân-güdâz ile tabʿa rikkat ve rûha kuvvet verdiklerinden gayri sâyir bâzendegân dahi tavr-ı meʾlûfları üzere tahrîk-i endâm ve tehyîc-i şevk u garâm etdikden sonra tenâvül-i niʿmet ve ahşam vakti herkes meʾvâsına ricʿat eyledi.