Şehriyâr-ı bedîʿu'l-âsâr hâric-i sûr-ı Kostantiniyye'de tebdîlen geşt ü güzâr buyururlar iken, Eflak Voyvodası'na gider Karavaşlar'a râst gelüp tevakkuflarını irâde ve hâmil oldukları evrâk ve mekâtîbi küşâde etdirdüp, Eflak Voyvodası'ndan baʿzı eşyâ talebini hâvî Hekîm-başı Efendi'nin bir kıtʿa mektûbunu müşâhede ve o hidmetde olanların sâye-i devletde idrârât ve revâtibleri fevka'l-ʿâde olup, zîk-ı meʿâşdan bi'l-külliyye müstağnî vü âzâde olmuşlar iken, zarûrî iltimâsına müsâʿade edecek âdemlerden şeyʿ talebiyle izhâr-ı tenezzül ü meskenet muhill-i şân-ı devlet olduğundan ʿazl ile te'dîb ve Hekîm-başılık ile Mekke Pâyesi olan Kâtib-zâde demekle ʿarîf Refîʿ Efendi tatrîb olundu.