Müşârun ileyh Hudâvendigâr-ı sabık zemânında hezâr niyâz u recâ ile verilen hedâyâ ve mukātaʿasına gösterdikleri zamâyim-i nemâ, ʿazlinde resîde-i mekām-ı bertîl ü rişâ olup, bu takrîb birkaç defʿa hâk-i pây-i hümâyûna ʿarz-ı hâl ile bess-i şekvâ kılınmışidi. O makūle düyûn iddiʿâsında olanların iskâtı emr ü irâde ve imtisâl-i emr-i ʿâlî ile katʿ-ı lisân-ı husemâ eylediği bâ-takrîr ifade olundukda, meşreb-i hümâyûn hakkında mütegayyer ve maskat-ı reʾsi olan Ahısha'da ikāmeti mütekarrar oldu.