Bu sene-i ʿamîmetü'l-meymenede dahi Donanma-yı hümâyûn'un cemîʿ-i levâzımı müheyyâ vü âmâde kılınup, şaʿbânın on altıncı günü ihrâcı irâde olunduğuna binâ'en, yevm-i mezkûrda Kapudan Paşa alay gösterüp, Başterde-i hümâyûn ile Yalı-köşkü'ne çıkdıkda, ibtidâ Sadrıaʿzam ile mülâkāt ve bi'l-mürâfaka ʿatabe-i gerdûn-mertebeye vazʿ-ı vecenât edüp, Sadr-ı vâlâ-kadr ve sâniyen Şeyhulislâm ve sâlisen Kapudan Paşa'ya semmûr kürkler geydirülüp, sâyir Kapudanlar ve zâbitân-ı donanmaya dahi [M1 114] muʿtâd-ı kadîm üzere hilʿatler ilbâsından sonra müşârun ileyhim Dolma-bağçe'ye ʿazîmet ve Tersâne Emîni tarafından tertîb olunan etʿime tenâvülünden sonra sâhib-i Devlet Kapudan Paşa ve Tersâne Emîni'ni bir sevb-i semmûr ile ser-kerem-i silâfe-i ferhat edüp, ahşama karîb serây-ı ʿâlîlerine ʿavdet eylediler.