Cumâdelûlânın on altıncı günü Dâmâd-zâde Feyzullah Efendi, bu defʿa dahi şiken-i ʿazl ile rencîde-hâtır ve yalısında ikāmeti bâbında emr-i ʿâlî sâdır olup, verd-i mutarrâ-yı gülzâr-ı meʿâlî ve dil-pesend-i vücûh-i ehâlî olan Mehmed Sâlih Efendi'nin necm-i ikbâli dirahş ve câh-ı refîʿ-i Meşîhat'e şeref-bahş olup, Rumeli Sadâreti, sâbıkā Sadr-ı Rum Mahmûd Efendi-zâde ʿAbdurrahîm Efendi'ye sâniyen tevcîh ü sipâriş ve huzûr-i Âsafî'de iktisây-ı semmûr ile kesb-i nümâyiş eyledi.