Mâh-ı cumâdelûlânın altıncı günü Şehriyâr-ı kerrûbî-âsâr hazretlerinin hemşîre-i muhteremeleri ʿAyişe Sultân-ı ʿaliyyetü'ş-şân hazretleri Tırhala Mutasarrıfı Vezîr Silahdâr Mehmed Paşa'ya tezvîc ve müşârun ileyhin bâzâr-ı iʿtibârı tervîc irâde olunmağla, Sultân-ı müşârun ileyhâ hazretlerinin şeref-endâz ikāmet oldukları Hekîmbaşı Serâyı'nda Şeyhulislâm Efendi ve Dârü's-saʿâde Ağası ve müşârun ileyh tarafından vürûd eden vekîl ve şuhûd mevcûd bulundukları halde beş bin altûn mihr-i mü'eccel ile ʿakd-ı nikâh ve icrây-ı sünnet-i hayrun men taleʿa ʿaleyhi's-sabâh kılunup, tertîb olunan etʿime-i gûnâ-gûn tenâvülünden sonra müşârun ileyhâ ve müşârun ileyh taraflarından beyaz çukaya kablu birer sevb-i semmûr Şeyhulislâm Efendi'ye boğça ile ʿarz u takdîm ve Dârü's-saʿâde Ağası'na Harem-i Sultânî'de bir sevb-i semmûr ilbâs olunduğundan başka, hâric-i Harem'de müşârun ileyh tarafından olarak bir sevb-i semmûr boğça ile ʿarz ve âdemlerine teslîm ve sâyirlerinin dahi teşrîfât üzere hilaʿ [M1 108] ve ikrâmları husûsu te'diye vü tetmîm olundu.