Pâdişâh-ı enâm hazretlerinin mâye-i zâtiyyelerinde cevher-i sehâvet ve kalb-i pür-safvetlerinde zîr-i destân ve fukarâya rahm ü şefekat derkâr olduğuna binâ'en, deynini edâ ve hukūk-i nâsı istîfâdan ʿâciz olup, meclislerde mübtelây-ı âh ü enîn olan zuʿafâ vü mesâkînin dâyinleri irzâ olunmak içün bu defʿa vâfir mebâliğ inʿâm buyurduklarına binâ'en, zikr olunan dâyinler bilâ-ibrâm iskât ü ilzâm olunup, katʿî çok kimse nekâl ve aglâl-i mezelletden reh-yâb-ı râhat olarak duʿây-ı bekā-yı Devlet-i şâhâne'ye muvâzabet eylediler.