Sayda Vâlîsi Cerdeci Mûsâ Paşa, maʿreke-i ʿUrbân'da beyâbân-ı fenâya vazʿ-ı kadem edüp, münhal olan mansıbı vüzerây-ı kaviyyü'l-iktidârdan birine tevcîh ehem görülmekle, sâbıkā Marʿaş Vâlîsi Vezîr Saʿdeddîn Paşa, kesret-i etbâʿ u hidem ile muhteşem ve o havâlînin umûruna vukūfu ber-vech-i etem olduğundan Sayda'ya Vâlî nasb olunup, bir ân akdem o taraflara [M1 99] lühûku zımnında ısdâr-ı emr-i ʿâlî kılındı. Marʿaş Eyâleti dahi Adana ehâlîsi iştikâsıyla Vezâret'i merfûʿ olan Nuʿmân Paşa'ya ibkā-yı Vezâreti'yle ihsân, Ve min ʿâdeti'l-eşrâf tünfâ ve tücleb mefhûmu hakkında iʿlân olundu.