Sadrıaʿzam Kethudâsı olan Mehmed Emîn Ağa-zâde Hüseyin Ağa, cumâdelûlânın onuncu günü o makām-ı refîʿden dûr ve hânesinde ikāmete me'mûr olup, Rûznâmçe-i Evvel olan Yûsuf Efendi, Sadâret-i ʿuzmâ Kethudâlığı ile dest-zen-i şevk u tarab ve Halîmî Mustafa Efendi Rûznâmçe-i Evvel mansıbı ile nâyil-i matlab olup, Defterdâr-ı Evvel olan Memiş Efendi dahi yevm-i mezkûrda ʿazl ve birkaç gün mukaddem nefyden gelen Defterdar-ı sâbık el-Hâc Ahmed Efendi, yerine nakl olundu.