Bir zemândan berü Dîvân-ı ʿâlî'de Çavuş-başı ve icrây-ı ahkâm-ı dîvâniyyede gayr-i mütehâşî olan ʿAbdurrahmân Ağa'nın silk-i vüzerâya intizâmı, Sadr-ı vâlâ-makām tarafından ʿarz-ı südde-i [M1 81] Şehriyâr-ı enâm kılınmışidi. Ağa-yı mûmâ ileyh hisse-yâb-ı hüner ü kemâl ve ʿakl ü rüşdü müsellem-i erbâb-ı nazar u istidlâl olduğuna binâ'en, hakkında müsâʿade-i hümâyûn rû-nümûn olup, sâlis-i Şevvalde rütbe-i vâlây-ı Vezâret'le ber-murâd ve manzûme-i Vezâret'i Eyâlet-i Marʿaş'la müstezâd kılındı.